Үр шилжүүлэн суулгах эмнэлэгийг шүүхэд өгчээ

АНУ-д нэгэн хос үр шилжүүлэн суулгах эмнэлгийг шүүхэд өгөөд байна. 
Учир нь эхнэр нь төрүүлсэн хүүхэд тэдний удмын хүүхэд биш болох нь тогтоогджээ.
Стивен Миллс, Тиффани Скор нар өнгөрсөн арван хоёрдугаар сард охинтой болсон ч хоёулаа цагаан арьстай атал хүүхэд нь “цагаан арьст бус” төрхтэй байгааг анзаарснаар сэжиг төрсөн байна. 
Улмаар хийсэн ДНХ-ийн шинжилгээгээр уг хүүхэд нь тэдний хэнтэй нь ч биологийн холбоогүй болох нь батлагджээ.

Шүүхэд гаргасан нэхэмжлэлд дурдсанаар, Орландогийн Үр шилжүүлэн суулгах төв хосуудын 5 жилийн өмнө хөлдөөж хадгалуулсан үр хөврөлийн оронд буруу үр хөврөлийг Тиффани Скорын умайд суулгасан алдаа гаргасан нь нотлогдсон харамсалтай явдал болсон байна.
Эх сурвалж Фокс ньюс