Гадаад мэдээ
СОЁЛ ИРГЭНШЛЭЭС БҮРЭН ТУСГААРЛАГДСАН ХҮМҮҮС ОДОО Ч АМЬДАРЧ БАЙНА
Нийтэлсэн:
S.Oyundari
Нийтэлсэн огноо:
2 долоо хоногийн өмнө
26/01/04 09:30
Хандалт
27 уншсан
0 сэтгэгдэлБразилын зурагчин Рикардо Штукерт шуурганд өртөн, нисдэг тэрэг нь замналаа өөрчлөн явж байтал санамсаргүйгээр алслагдсан овгийн зургийг авч чаджээ.
Перу улсын хилээс холгүй орших Акры нэртэй гүн ойд уг зургуудыг авсан бөгөөд соёл иргэншлээс тасарсан нутгийн иргэд одоо хүртэл оршсоор байгааг илтгэжээ.
Уг зурган дээр эртний зэвсэг агссан нүүрээ будсан, цагаан даавуугаар ичимдэг эрхтэн, гэдэс төдийхнөө ороосон омгийн төлөөлөгчид гарчээ. Нисдэг тэрэг харсан омгийн эрэгтэй дайчин жадаа шидсэн нь тэд маш их болгоомжилж хэр их тусгаарлагдсаны илэрхийлэл юм.
Шинжээчид уг омгийнхоныг 2008 онд анх удаа зургийг нь ил болгож байсан ч тэд гадны хэн нэгэнтэй холбогдохоос зайлсхийж нүүдэллэн амьдарч байж болзошгүй гэж үзжээ. Штукерт National Geographic сувагт 1000 гаруй жилийн түүхтэй орчин цагийн амьдралтай холилдоогүй бодит амьдралын гэрч болсон хэмээн ярилцлага өгчээ.
Эдгээр зурагнууд орчин цагийн соёл иргэншлээс бүрэн хэмжээгээр тусгаарлагдсан хүмүүс одоо хүртэл амьдарч байгаа ховорхон тохиолдол хэмээн үзэж байна.
Мэдээ танд ямар санагдав?
Сэтгэгдлүүд (0)